Preparación do Camporee de Patrullas 2014

reunión camporee 2014

O pasado venres día 10 celebrouse a primeira reunión do “Camporee de patrullas 2014”, actividade organizada para a Tropa Scout (sección educativa de 11 a 14 anos), a que asistiron representantes de todos os Grupos Scouts da Federación.

A temática sobre a que se traballará nesta ocasión será a “Pobreza Infantil”, e sobre ela xirarán os debates, dinámicas, obradoiros, xogos…, que se desenvolverán ao longo da acampada fixada para Semana Santa.

As actividades enmarcadas neste proxecto terán continuidade ao longo do curso dentro dos propios Grupos Scouts.

Está previsto que neste evento participen arredor de 75 rapaces e rapazas entre os 11 e os 14 anos, acompañados dos seus respectivos scouters (voluntarios adultos).



Deixe un comentario