O vindeiro sábado 21 de xaneiro darán comezo as actividades de conmemoración do escultismo en España

Os Grupos Scouts de ASDE – Scouts de Galicia, celebrarán en Ferrol, A Coruña e Santiago de Compostela o inicio da conmemoración do centenario do escultismo en España en xeral (Vitoria; setembro de 1912) e de Galicia en particular (Ourense; novembro de 1912). Nas rúas e prazas das nosas cidades poderá sentirse e escoitarse a ledicia de ser scout.

A aposta pola educación non formal, a educación en valores para a construción dun mundo mellor e o espírito de servizo que supón o escultismo plural e aberto de ASDE – Scouts de España e ASDE – Scouts de Galicia, foi iniciado no noso país por Teodoro de Iradier e Arturo Cuyás, co apoio do Fundador do escultismo o británico Lord Baden-Powell of Gilwell.