Igualdade por un mundo mellor

No Grupo Scout ILEX 695, de recente incorporación á nosa federación, estiveron traballando a creatividade dentro do marco da igualdade de xénero. Tras un alarde de habilidades artísticas e interpretación obtiveron como resultado este estupendo videoclip que pon de manifesto o valor da igualdade e que non debemos deixarnos encaixonar polos roles que culturalmente nos veñen asignados a cada xénero.

Na realización participaron tanto as seccións de Manada coma o de Tropa. O vídeo foi rodado nas instalacións do Espazo Xove de Ourense, onde este grupo scout ven desenvolvendo habitualmente a súa actividade. A canción, elixida polas rapazas  e rapaces do grupo, que constitúe a banda sonora destra produción doméstica non é outra que a de “Revoltosa”, do grupo Bongo Botrako.

 

 



Deixe un comentario