ASDE – Scouts de Galicia aposta pola formación dos scouters como o camiño para realizar programas educativos de calidade. Así queda demostrado tras a celebración dos módulos dos cursos de Nó Gilwell (Monitor de Tempo de Lecer) e de Insignia de Madeira (Director de Tempo de Lecer) esta fin de semana en Présaras coa participación total de 27 scouters dos seis Grupos Scouts da federación.

No curso de Nó Gilwell, 12 scouters recibiron a formación correspondente ao módulo de Animación. As cancións, danzas e xogos que se programan nas actividades cos nenos e mozos foron os protagonistas das sesións.

No curso de Insignia de Madeira, os 15 participantes debatiron e profundizaron no Sistema de Programas de ASDE, base para a nosa programación educativa e garantir o cumprimento das nosas finalidades.

Na clausura do curso, Ángela Souto, scouter do Grupo Scout Chan 292, recibiu o seu Nó Gilwell de mans do Presidente Scout Xeral tras concluir a fase teórica da súa formación como monitora, recibindo os parabéns dos presentes.

Os módulos de ambos cursos continuarán os vindeiros 3 e 4 de marzo.