ASDE - Scouts de Galicia » General

Éxito da Conferencia Scout Xeral

scoutsdegalicia — Wed, 21 Apr 2010 22:03:26 +0000

Fin de semana intensa e histórica en Gandarío: duas Asambleas, un Consello e unha Conferencia Scout Xeral que marcarán o futuro.

Case 40 scouters (educadores scouts voluntarios) traballaron para fixar as tarefas dos próximos anos en materia de…

…Crecemento, para que a nosa acción educativa chegue a máis xente e coa mellor calidade posible, e…

…Servizo, para intentar que está acción educativa se reflicta nunha mellora constante do mundo no que vivimos a través da solidariedade e sen esperar recompensa.

Ademáis, deuse un paso máis cara a transformación de ASDE – Scouts de Galicia nunha federación de asociacións (grupos scouts) aprobando os que serán os seus estatutos despois de máis dun ano traballando neles.

Houbo lugar tamén para os encontros e o intercambio de experiencias entre scouters e contamos coa presencia de Julio del Valle, Presidente Scout Federal de ASDE. Dende aquí queremos agradecerlle a súa visita e apoio ó proxecto de ASDE-Scouts de Galicia.

IV Conferencia Scout Xeral

scoutsdegalicia — Thu, 15 Apr 2010 08:35:38 +0000

Os días 16, 17 e 18 de Abril de 2010 celebrarase no Albergue de Gandarío (Sada, A Coruña) a IV Conferencia Scout Xeral. Neste encontro os scouters dos grupos scouts de ASDE – Scouts de Galicia reflexionarán, debatirán e decidirán sobre as nosas liñas de actuación para os próximos anos.

Nesta ocasión os temas centrais serán:

O Reto Común do Crecemento
A Acción Servizo na nosa proposta educativa

Será unha fin de semana de intenso traballo pensando sempre en mellorar as nosas actuacións cara un mundo mellor.

30º Festival Scout Galego

scoutsdegalicia — Thu, 11 Mar 2010 12:18:19 +0000

A próxima fin de semana, 13 e 14 de marzo de 2010, terá lugar o 30º Festival Scout Galego na cidade de Santiago de Compostela.

Comezaremos con forzas cun gran xogo durante toda a mañá para descubrir a cidade, rematando, como non podía ser doutra maneira, na Praza do Obradoiro. Pola tarde celebrarase o certame musical no Colexio La Salle onde participarán os distintos grupos scouts de Galicia cantando e animando.

O domingo, teremos as Olimpiadas scouts: ¡deporte e diversión asegurada!

Unha gran fin de semana de convivencia, valores, diversión e amizade.

Espazo Solidario

scoutsdegalicia — Thu, 25 Feb 2010 22:26:52 +0000

ASDE – Scouts de Galicia estará presente no encontro pola solidariedade Espazo Solidario organizado polo Concello da Coruña o día 27 de febreiro de 2010.

Achégate polo noso stand ou participa no obradoiro que faremos ás 17:30 en PALEXCO (A Coruña)

Apoio a Haití

scoutsdegalicia — Sun, 17 Jan 2010 12:06:00 +0000

Ante a situación que vive Haití, ASDE infórmanos de que habilitou unha conta bancaria onde se poden facer aportacións económicas que se destinarán a axudar aos afectados e a apoiar a reconstrucción do país.

O número é: 2100 1739 61 0200095145 (La Caixa)

Máis información

Desde ASDE – Scouts de Galicia animámosvos a participar na iniciativa conforme ao noso propio compromiso para colaborar coa xente que o necesita e pregámosvos que fagades chegar esta información ao voso entorno.

Moitas gracias!